Emakumeen aurkako indarkeriaren kontrako eguna

Gogoratu,azaroaren 25ean izango da  “Emakumeen Kontrako Indarkeria Desagerrarazteko Nazioarteko Eguna”. Aurtengo kanpainaren leloa “Entzunez gero, ikusiko duzu” da eta genero bortizkeria pairatu duten emakumezkoen adierazpen gordinak jasotzen ditu.

Eskolako Gida 20-21 ikasturtea

Familientzako Orientabideak

Hemen dituzue Hezkuntza Sailak prestatutako COVID-19: familentzako orientabideak

 

OOG hauteskunde prozesua

Ordezkaritza Organo Goreneko kide batzuk, dagokienak, aukeratzeko hauteskunde-prozesua zabaltzen duen agindua atera da.  

2020ko irailaren 30eko Agindua, Hezkuntza, Hizkuntza Politika eta Kultura sailburuarena, Euskal Autonomia Erkidegoko unibertsitatez kanpoko  herri-ikastetxeetan ordezkaritza-organo gorenetako kide batzuk, dagokienak, aukeratzeko hauteskunde-prozesua zabaltzen duena. (EHAA 2020-10-15).

Ordezkaritza-organo goreneko kideen azken hautespena 2018-2019 ikasturteko lehen hiruhilekoan egin zen, eta, beraz, 2020-2021 ikasturteko lehen hiruhilekoan egin behar da berrikuntza.

Ordezkaritza Organo Gorena (O.O.G) Eskola elkartea osotzen duten sektore ezberdinen ordezkaritza eta parte hartzeko organo gorena da.

Espazio horretan ikastetxean eragina duten erabakiak hartzen dituzte eskolako familiek,  irakasle ez diren langileek, udal-ordezkariek eta irakasleek.

Anima zaitezte eta parte hartu

Eskolako iragarki-taulan jarriko da CEIP ZELAIETA HLHI  ikastetxeko Hauteskunde- prozesuaren EGUTEGIA

HAUTAGAIAK ONARTZEKO EPEA: urriaren 27tik azaroaren 9ra

Hautagai izan nahi duen guraso edo tutorea pasa dadila idazkaritzatik  eranskina entregatzera.

2020-2021 ikasturtean gailu digitalak eskuratzeko dirulaguntzak

 

Zabalik dago eskaerak aurkezteko epea (2020/10/16-2020/11/15)

Informazio gehiago hemen

Dana ondo aterako da!

image

Etxetik ikasten

Zelaieta eskolako SITE-a. Ikasleek erabili beharko dituzten orrialdeak (Sites) eskola-jarduera presentziala aldi baterako epean.

BAT Taldea

 

BAT!
 

 

Tel: 944 28 0101

E-mail:  bat@zelaieta.ikastetxea.net 

E-postaz komunikatu eskolarekin

 Hauek dira Eskolarekin epostaz komunikatzeko erabil ditzakezuen helbideak:


Zuzendaria (Leire) zuzendaria@zelaieta.ikastetxea.net

Ikasketa Burua (Idoia) ikasketab@zelaieta.ikastetxea.net

Idazkaria (Yolanda) idazkaria@zelaieta.ikastetxea.net

Jantoki arduraduna (Tere) jantokia@zelaieta.ikastetxea.net

 

E-mailen arduraduna (Javi) ikt@zelaieta.ikastetxea.net

 

Telefono Berria 944 28 01 01

Berriztu da eskola osoko telefonia sistema.
Sistema zentralizatua ezarri da eskolako hiru ereikinentzat. Beraz, dei guztiak 944 28 01 01 zenbakira egin behar dira. Zentraletik bideratuko da deia dagokion luzapenera.

ESKOLA TXIKI

Badago esaera bat honela esaten duena: "Jende txiki askok, leku txiki askotan, gauza txikiak eginez, mundua alda dezakete".

Esaera hori "geurea"eginda:

"Herri txiki bateko eskola batean, esku txiki askok, gauza txikiak eginez, kolorez eta ilusioz betetako -manta handi bat- egin dute."

Gure eskolako umeek badakite elkartasunak ez duela mugarik, ez kolorerik, ezta jatorririk ere. Horregatik, gure herriko amama eta ama batek lagunduta egin duten manta (ume bakoitzak sorkuntza handiz eta askotariko koloreak erabiliz egindakoa), benetako beharrizana duten eskuei oparitzea erabaki dugu.

"Etorkizuna koloretako elkartasunaz josi dugu" 

"Txikitasunean handi"

 

 

Euskaraldia

Euskara ulertzen duten hiztunen arteko hizkuntza ohiturak aldatzeko ariketa soziala da Euskaraldia, gizartearen gune guztietara zabaldua eta denborari dagokionez mugatua. Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. 2020an, azaroaren 20tik abenduaren 4ra egingo dugu ariketa eta aurten, norbanako bezala (ahobizi edo belarriprest izanez), parte hartzeko aukeraz gain, taldean parte hartzeko aukera ere izango dugu ariguneen bidez.

Unibertsitateaz kanpoko ikasleak eskolatzeko ikasketa-beka eta -laguntzetarako 2020-2021 ikasturteko deialdia.

AURKEZTEKO EPEA

2020ko urriaren 9tik azaroaren 9ra arte

 

Informazio gehiago HEZKUNTZAKO WEBGUNEAn

 

 

20-21 FAMILIENTZAKO DEKALOGOA

Kaixo guztioi,
Jarraian Hezkuntza Sailak Osasun Sailarekin batera, familientzako prestatutako dekalogoa kontuan izanda, Zelaieta Herri Eskolan hartuko ditugun neurriak aipatuko ditugu:
● Haurrek ezin dute eskolara joan sukarra badute (+ 37oC). Horrek esan nahi du eskolara etxean tenperatura hartuta etorri behar direla.
● Eskola eremuan jende pilaketa informalak ahal bezain beste saihestu beharko dira. Hau dela eta eskolara laguntzaile bakarrarekin bertaratuko dira ikasleak, eskola-egunaren hasieran edo amaieran, eta, ahal den neurrian, pertsona bera izango da beti.
● Laguntzaileak ezin izango dira inguruan geratu, taldekatzeak eratuz.
● Laguntzaile hauek eskolan sartu ahal izateko, aldez aurretik hitzordua jarri beharko dute edo horretarako baimena izan beharko dute.
● 6 urtetik gorako guztiok izan beharko dute beren musukoa, eskola-egunean erabiltzeko higiene-baldintzak bermatuko dituena (baita atsedenaldian ere).
o 6 urtetik beherako haurrentzat gomendagarria da.
● Familiak lankidetzan arituko dira ikastetxeak oinarrizko higiene-ohiturak babesteko eta errazteko helarazitako jarraibideekin, hala nola:
▪ ikastetxeko seinaleak errespetatzea.
▪ musukoa erabiltzea.
▪ eskuak garbitzea.
▪ erabilitako espazioak eta baliabideak garbitzea.
▪ gelak aireztatzea.
▪ bizikidetza-talde egonkorreko kide izatea.

● Ikasle batek sintomak baditu ikastetxean, familiari jakinaraziko zaio; beraz, kontakturako beharrezkotzat jotzen diren telefono zenbakiak eman beharko dira (bat
baino gehiago ematea gomendatzen da).
● Ikasleak sintomak baditu etxean, familiak tutorea jakinaren gainean edukiko du eta aldaketa esanguratsuak jakinaraziko dizkio.
● Familiak, ikasleak ikastetxetik kanpo egiten dituen eskolaz kanpoko jarduerei buruzko informazioa emango dio ikastetxeari, trazabilitate-arrazoiengatik eskatzen bazaio.
● Ikasleen gurasoek edo tutoreek eremu emozionalari buruz egoki deritzoten informazio 
guztia helaraziko diote beren semearen edo alabaren tutoreari, eremu horretan COVID-19 testuinguruari lotutako gabezia/zailtasunen bat aurreikusten denean.

Beste barik, egoera denontzat ahalik eta eramangarriena izatea espero dugu.
Besarkada bat guztioi,

Maiatzak 17

Hurrengo igandean,Maiatzak 17,LGTBI kolektiboarekiko fobiaren aurkako eguna dugu. Egun hauetan zuen etxeko lehio askotan ortzadar asko ikus daitezke, ezta? Ba gogoratu egun honen irudia ere ortzadarra dela!!

maiaztak-17

Zer gertatzen da haurren garunean konfinamenduan?

Eta zer egin dezakegu horren inguruan? Haur-hezkuntzan aditua den psikologo baten eskutik, honako bideo honen bidez eskaintzen dizuegu gako batzuk.

Vicenç Arnaiz Sancho da, psikologoa eta Haur Hezkuntzan espezializatua.

Bere azalpenak bideo honetan ikusi ahal duzue

 

Azalpen-bideoa, ETB3ko "Etxetik ikasten" saioa nahieran ikusteko, jaisteko...

Ikasleak etxean ditugun egoera berezi honetan, ETB3 kateak Etxetik Ikasten saioa emititzen du. Bideo honetan azaltzen da nola saio hori guk nahi dugun egun eta orduan ikusi ahal dugun, baita, gura izanez gero, deskargatu ere.

Eskolako langileon agurra

Trokaz guraso elkartearen oharra

Bizi dugun salbuespenezko egoera dela eta, Zelaietako guraso-elkartearen zerbitzu psikologikotik oinarrizko 
10 ideia helarazi nahi dizkizuegu egoera honi modu ordenatuan aurre egiteko, haurrek oporretan ez 
gaudela uler dezaten. 
1- Ezinbestekoa da errutinak etxe barruan mantentzea. Hau salbuespenezko egoera dela ulertu 
behar dute, eta ez oporrak. Denok oinarri horretatik abiatzen bagara, errazagoa izango da "zerbait 
desberdina" egingo dugula ulertaraztea. 
2- Familia-batzarra egin eta egunean zehar egin beharreko lanak azaldu eta negoziatu
Horretarako, panel batean adieraziko dugu zeregina, nork egingo duen eta noiz egingo den. Egoera 
bakoitza ezberdina denez, zerbait irekia da, eta kasu bakoitzean egokitu beharrekoa. 
3.- Jateko eta lo egiteko ohiturei eustea. Horrek oporretan ez gaudela ulertzen lagunduko du. 
Beraz, betiko ordu berean altxatzen saiatuko gara. 
4.- Higiene- eta jantzi-ohiturak mantentzea. Lehen hezkuntzako ikasleek eskola-ohiturak jarraitu 
behar dituzte, eta, horretarako, jantzi egin behar dira, ekintzarako prest egoteko. 
5- Gaueko errutinak mantentzea. Iluntzen duen heinean afaria prestatzen joango gara eta eguna 
betiko ordu berean eta errutina berarekin agurtuko dugu. 
6.- Gurasoek telelana egiten badugu, atea itxita egongo da. Ulertu behar dute ezin gaituztela 
gogaitu, eta ordu jakin batetik aurrera haientzat prest egongo garela. 
7- Telebistaren erabilera handitu egingo dela jakinda, koherentzia ematen saiatuko gara! Gaur 
egun, ikusi nahi duguna aukera dezakegu, eta, horregatik, bere adinerako egokiak diren telesailak, 
programak edo dokumentalak ikustea gomendatzen da. 
8Pantailetatik aldendu nahi baditugu, mahai jokoak, eraikuntzak, eskulanetarako materiala ... 
apaletan daukaguna ateratzeko unea da.. Birtualtasunetik aldentzeko modu bakarra haiekin jolasten 
denbora partekatua igarotzea da. 
9Informatuta egoten saiatuko gara. Ez da egokia koronabirusaren gaiarekiko gehiegizko 
esposizioa, ezta errealitatearen ukazioa ere; beraz, haurrei beren adinaren arabera azaltzeko 
diegu zer gertatzen ari den. 
10idatzi eguneko esaldi positibo bat. Jasotzen ari garen karga negatibo guztia indargabetzeko, 
une hau txanponaren beste aldetik ikusten saiatu beharrean aurkitzen gara. 
Praktikara eraman nahi duzue? 
Edozein zalantza izanez gero, gogoratu harremanetarako telefonoa eta e-maila. 
Maider del Rio Larramendi 
Osasun-psikologoa (BI02991) 
Tel.: 646256366 
E-posta: maiderdelrio@gmail.com 

 

EITB maratoia 2019/2020

Aurten EITBk Hezkuntza Sailaren laguntza eskatu du maratoi solidarioa egiteko, haurren minbiziaren ikerketarako dirua lortzeko asmoz. Hau aurrera eramateko ekimen desberdinak antolatu ditu. Jarraian duzue informazio gehiago ematen duen orrialdearen esteka.(Klikatu irudian)

 

Amara Berri ikastetxe publikoa izendatuta izan da Changemaker School

Maiatzaren 10a egun berezia izan zen Amara Berriko hezkuntza-komunitaterako eta, noski,  Euskal Eskola Publikorako bere osotasunean.

Zergatik? Bada, Ashoka Fundazioak, Changemaker Schools ekimenaren barruan, Espainiako beste 3 ikastetxeekin batera gure Amara Berri Eskola Changemaker izendatu zuelako, Madrilgo Matadero espazioan

Baina zer da Ashoka Fundazioa?

Ashoka sare bat da, munduan zehar zabaldutako giza ekimenerako sarea, red de emprendedores sociales esaten diote haiek.

Ashokaren oinarria honetan laburbiltzen da: mundua izugarrizko abiaduran ari da aldatzen, gure arrakasta pertsona, erakunde eta gizarte garen heinean aldaketak eragiteko (changemakers) abilezian datza, arazoei eta erronkei aurre egiteko eta irtenbideak bilatzeko abilezian.

Ashokaren ekimenen artean badago bat garrantzi handia duena eta hori da hain zuzen Changemaker Schools. Momentu honetan munduan 120 ikastetxe daude Changemaker School izateko aukeratutakoen artean: Espainian 4, eta horietatik bat gure Amara Berri da.
 
Changemaker Eskola izateko, aukeraketa prozesu luzea eta gardena pasatu behar da. Bost pauso ditu:

1.- Izendapena: Aditu sare batek hautagaiak izendatzen ditu.

2.- Esplorazioa: Ashokak eskola bisitatzen du eta in situ ikusten du. Bertan elkarrizketak egiten dira eragile guztiekin: ikasleak, irakasleak eta familiak.

3.- Autoebaluazioa: Eskolak eta irakasle taldeak euren lanari buruzko galdetegiak betetzen dituzte

4.- Panela: Ikastetxeak, zuzendaritza-taldeak, Ashokako Giza Ekimenarako gainerako eragileekin elkarrizketak egiten ditu, eskola hobeto ezagutzeko eta ideiak elkartrukatzeko asmoarekin.

5.- Onarpena: Hezkuntza komunitatearekin ekitaldia antolatzen da onarpena gizarteratzeko, eta horixe da, hain zuzen, maiatzaren 10ean bizi izandako esperientzia.

Amara Berriko hezkuntza-komunitatea bertan zegoen:Amara Berriren sortzaile Loli Anaut, zuzendaritza-taldea, familiak, ikasleak, irakasleak, Amara Berri Sareko beste eskolako zuzendariak, Donostiako Berritzegunea eta Ikuskaritza. Hezkuntza Sailetik Begoña Garamendi, Hezkuntza Berriztatzeko Zuzendaria, eta Gema Gonzalez de Txabarri Gipuzkoako Hezkuntza Delegatua.

Festa giroan, ikasleek eta Amara Berriko hiru pailazoek (irakasle diren Juales Larrañaga, Begoña Hernández eta Antton Mendizabal) bideo baten bidez eta bertso bidez azaldu ziguten eskola, eta aurresku eta tanborradarekin bukatu zen ekitaldia.

Onarpena lortu duten beste eskolak honakoak  izan ziren: Madrilgo Padre Piquer, Pontevedrako O Pelouro eta Barcelonako Escola Sadako. Zorionak guztioi!

Azken unean diplomak banatu ziren, eta Amara Berriko zuzendaria den Karlos Garaialdek jaso zuen denon izenean.

Hasieran esan dugun bezala, egun berezia izan zen maiatzaren 10a, gure lana, Euskadiko Eskola Komunitatea sustatzen dugun guztion lana, funtsezkoa dela eta gizartea eraldatzeko balio duena sentitzen dugun egun horietako bat.